Dərslərim

 

                      Azərbaycan  Dövlət  Pedaqoji  Kolleci.

                         

   Ulu öndər Heydər Əliyevin siyasi irsinin yeni təlim texnologiyalarından istifadə etməklə Azərbaycan tarixi fənni dərslərində öyrənilməsi təcrübəsindən.

               

Müəllimə: Hacıyeva Dilarə

Mövzu: Şanlı ömrun səhifələri.

Məqsəd:Tarixi faktlara əsaslanaraq,Azərbaycan dövlətçiliyi tarixində milli öndərimiz Heydər Əliyevin əvəzsiz xidmətlərini göstərmək:

Onun misilsiz siyasi xadim,  dövlət başçısı olduğunu bildirmək:

Tələbələrdə milli liderin şəxsiyyətinə hörmət, ideyalarına sədaqət ruhu  aşılayaraq , vətən tarixinə sevgi hissi yaratmaq:
Vətənpərvərlik. yurdsevərlik tərbiyəsinə nail olmaq;
birgə əməkdaşlığa, kollektivdə işləmək ,ünsiyyət qurmaq bacarıqlarına  nail olmaq; 
Diskussiya aparmaq mədəniyyəti formalaşdırmaq;

                                        Istifadə etdiyim üsul və strategiyalar

-Əqli hücum

-Söz assosiasiyası

-“2hissəli gündəlik

-Mərkəslərdə iş və təqdimat

-Diskussiya aparmaq

-Mərkəzlərdə yaradıcı iş-  *Dərslik yazırıq*

-Esse yazaq.

  Dərsin gedişi:

  Əqli Hücum:Məqsədim tələbələrin mövzuya dair bilik bazasını yoxlamaq və həmin bilikləri möhkəmləndirməkdən sistemə salmaqdan ibarətdir.Bu suallarla tələbələrə müraciət edirəm:

1.Azərbaycan dövləti harada yerləşir?

2.Azərbaycan tarixində hansı dövrü siz onun ən qüdrətli dövrü kimi qəbul edirsiniz?

3.Azərbaycan dövləti hansı tarixdən müstəqilliyini əldə etmişdir?

4.Azərbaycanda sovet rejimi nə vaxt yaranıb?

5.Milli qurtuluş gününü nə vaxt qeyd edirik?

6.Milli qurtuluş günü hansı tarixi hadisə ilə bağlıdır?

7.Heydər Əliyevin həyatı ilə bağlı nə bilirsiniz?

8.Onun xalqımız üçün etdiyi hansı xidmətləri göstərə bilərsiniz?

    Sualları verib,tələbələrin bu suallara verdiyi cavabları dinləyirəm.Onların sərbəst fikir yürütmələrinə çalışıram.

     Söz assosiasiyasından istifadə etməklə motivasiya qururam: Lövhədə bu sözləri yazıram(qabaqcadan Flip-çart vərəqlərində yazıb hazır qoyuram): Xalq , Prezident, milli lider, Tarix , siyasət.dünya sevgi, qayğı,hörmət.Tələbələrə bu sözlərdən istifadə etməklə esse yazmağı tapşırıram. Bunun üçün 3-5 dəq vaxt elan edirəm.Vaxtın tamamında onlarin istəyi ilə yazdıqları esseni dinləyirik. Fikirlərini tamamlayıb bu günki dərsimizin mövzusunun Ümummilli liderimiz- Heydər Əliyev şəxsiyyəti ilə bağlı olduğunu bildirirəm.

    2hissəli gündəlik: Bu fəaliyyətə Lövhədə “ Ümummilli liderimiz- H.Əliyev” cümləsini yazmaqla başlayıram. Lövhəni 2 hissəyə bölürəm.Tələbələrə də eyni qaydada dəftərlərində işləməyi tapşırıram.             

Nə bilirəm?	Nə öyrəndim?
1. 2.	1. 2.

Milli liderimiz H.Əliyev haqda nə bilirsiniz? –Sualı ilə tələbələrə müraciət edib,dəftərlərində qeydlər aparmağı tapşırıram.Sonra onlara bu cavabları yoldaşı ilə müzakirə etməyə imkan verirəm.Hər cütdən biri cavablarını səsləndirir.Təkrar etməmək şərti ilə cavabları cədvəlin birinci sütununda(Nə bilirəm?) qeyd edirəm.

Tələbələr də eyni ilə dəftərlərində qeydlər edirlər.

  Mərkəzlərdə iş.:Tələbələr 1,2,3,4, sayıb 1 2 3 4 mərkəzə ayrılırlar.Hər mərkəz əvvəlcədən konvertdə yerləşdirilən tapşırıq  ilə tanış olur. Mərkəzlər və onların tapşırıqları belədir;

1.Heydər Əliyev Tarixi şəxsiyyət kimi.

2.Heydər Əliyev dövründə aparılan daxili siyasət haqda.

3.H.Əliyev və Azərbaycanda iqtisadi yüksəliş.

4.H.Əliyev siyasəti və Azərbaycan beynəlxalq arenada.

Mərkəzlər əvvəlcədən hazırladığım ədəbiyyatlar, materiallarla təchiz edilirlər. 15-20 dəq vaxt ayırıram.Vaxtın tamamında mərkəzlər oz işlərini ardıcıllıqla  təqdim  Nə öyrəndim? sütununu -birlikdə doldururuq.

  Diskussiya : Mərkəzlərdə işin yekunu kimi tələbələrə belə suallarla muraciət edirəm:

1.H.Əliyevin hakimiyyətə gəlişi ölkədə  vətəndaş müharibəsinin qarşısını aldı.-dedikdə nə fikirləşirsiniz.?

2.Cəbhədə *Atəşkəsə* nail olmaq ilə iqtisadi- siyasi yüksəliş arasında nə əlaqə görürsünüz?

3.*Əsrin müqaviləsi*nin əhəmiyyəti nədədir?

4.Milli ordu quruculuğu üçün hansı tədbirlər həyata keçirildi?

5.Müstəqilliyimizin qazanılmasında   Heydər Əliyevin xidmətləri.

6.Azərbaycanın gələcək inkişafını necə görürsünüz?

 Suallara cavab verərkən onların öz fikirlərini sərbəst izah etmələrinə şərait yaradıram. 

  “Dərslik yazırıq”- Dərsliyin adını elan edirəm.”Milli lider”.Dərslik yazmaq üşün aşağıdakı mərkəzlərin adını elan edirəm.:

1.”Yazıçılar”- milli liderin həyatını və siyasi fəaliyyətini əks etdirən materiallar hazırlayırlar.

2.”Tarixçilər”-Milli liderin həyat və siyasi fəaliyyətinin xronologiyasını hazırlayırlar

3.”Fotoqraflar”—Dərslik üçün foto və illyustrasiyalar hazırlayırlar

4.”Şairlər”  -   Kitablardan seçilən şeirlər ilə dərsliyi təchiz edirlər.

Tələbələrdən marağına görə mərkəzlərdə oturmağı xahiş edirəm.Mərkəzlərə istiqamət verilir ki.lazım olan qəzet materialları, jurnallar,kitablar, şəkillər, kağız, yapışqan, stepler,qayçı,və s. dərs resurslarından istifadə edə bilərlər. ”Redaktor” Vəzifəsini öz üzərimə götürürəm. İşin qaydasına görə mərkəzlər işi başa vurub “redaktora “- ötürməlidirlər.Mən isə onu kitab halinda “cildləməliyəm” Fəaliyyətin sonunda hazırladığımız *kitab*ı nümayiş etdiririk

Dərsin yekunu kimi “O elə bir dahidir ki.....” esse yasmağı tapşırıram.(3 dəq).”Sən elə bir zirvəsən”Mahnısını səsləndirirəm.Onun sədaları ilə tələbələr fikir və hisslərini yazırlar.Sonra könüllü olaraq esselərdən bir neçəsini dinləyirik.